دادو  میں گزشتہ رات ہوئی بارشوں  اور طوفان نے شہر بھر میں تباہی مچا دی ہے۔

تٖفصیلات کے مطابق شدید بارشوں کے باعث  دادو کی تحصیل میہڑ میں گھر کی چھت کا بیرونی حصہ گر گیا ہے جس نے پڑوسی اشرف سومرو کے گھر کو شدید متاثر کیا ہے۔

پولیس ذرائع کا کہنا ہے کہ چھت کا بیرونی حصہ پڑوسی کے گھر میں گرنے کے باعث 3 بچے جاں بحق ہوگئے ہیں۔

جاں بحق ہونے والے بچوں میں 10 سالہ احمد کولاچی ، 12 سالہ عبدالنبی اور بلاول کولاچی شامل ہیں جبکہ ایک بچی شمائلا کے زخمی ہونے کی بھی اطلاعات ہیں جس کو بروقت چانڈکہ اسپتال لاڑکانہ منتقل کردیا گیا ہے۔

واضح رہے کہ جاں بحق ہونے والے بچے رشتے میں ایک دوسرے کے کزنز بتائے جا رہے ہیں جبکہ بچوں کے چاچا کا کہنا ہے کہ ہم حالیہ دنوں میں روزگار کے غرض سے یہاں آئے تھے۔