پاکستان شوبز انڈسٹری کی نئی جوڑی اداکارہ منال خان اور احسن محسن اکرام نے شادی کی تیاریوں کا آغاز کردیا ہے۔

اداکارہ منال خان نے فوٹو اینڈ ویڈیو شیئرنگ ایپ انسٹاگرام پر ایک کارڈ کی تصویر پوسٹ کی ہے۔

منال خان کی جانب سے شادی کے کارڈ کی تصویر انسٹاگرام پر پوسٹ کی گئی ہے۔

تصویر میں دیکھا جاسکتا ہے کہ کارڈ پر انگریزی زبان میں احسن محسن اکرام اور منال خان کا نام درج ہے۔

اداکارہ نے اپنی پوسٹ کے کیپشن میں لکھا ہے کہ آپ کو مدعو کیا جارہا ہے اس کیپشن میں انہوں نے اپنے ہونے والے شوہر احسن محسن اکرام کو بھی مینشن کیا۔

 منال خان کی اس پوسٹ پر اُن کے مداحوں اور شوبز ستاروں کی جانب سے مبارکباد دینے کا سلسلہ شروع ہوگیا ہے۔

گزشتہ دنوں شوبز انڈسٹری کی معروف جوڑی منال خان اور احسن محسن نے اپنی بات پکی ہونے کا اعلان کیا تھا جس پر شوبز ستاروں کی بڑی تعداد نے اُنہیں منگنی کی مبارکباد بھی دی تھی۔

واضح رہے کہ منال خان اور احسن محسن اکرام نے رواں سال ویلنٹائن ڈے کے موقع پر منگنی کرکے اپنی نئی زندگی کا آغاز کیا تھا۔