پاکستان کرکٹ ٹیم کے فاسٹ بولر حسن علی نے بتایا کہ چیمپئنز ٹرافی جیتنا ہم سب کیلئے خاص اور یادگار لمحہ تھا۔

انہوں نے کہا کہ وہ میرا پہلا آئی سی سی ایونٹ تھا، بیسٹ بولر بنا جو یاد گار تھا۔

نجی چینل کو انٹرویو دیتے ہوئے حسن علی نے کہا کہ خواہش ہے ٹی ٹوئنٹی ورلڈ کپ میں بھی ایسی کارکردگی دہراؤں۔

[amazonad category=”Auto”]

دوسری جانب انہوں نے بتایا کہ یو اے ای میں کھیل کر ورلڈ کپ کی تیاری کا اچھا موقع مل رہا ہے۔

حسن علی نے اپنے ماضی کے بارے میں بتاتے ہوئے کہا کہ کرکٹ سے دوری کا وقت مشکل تھا اکثر روتا تھا کہ اب کیا ہوگا، میری اہلیہ اور بھائی نے میری بہت حوصلہ افزائی کی۔

پی ایس ایل کے حوالے سے بات کرتے ہوئے فاسٹ بولر حسن علی نے کہا کہ پی ایس ایل میں بولرز کے درمیان کافی اچھا مقابلہ ہے، کوشش ہے ایونٹ کے اختتام  پر بہترین بولر کی ٹرافی حاصل کروں۔

حسن علی نے کہا کہ اسلام آباد یونائیٹڈ مومینٹم حاصل کرچکی، تیسری بار ٹائٹل جیتنے کے لئے پراُمید ہوں۔