سابقہ بھارتی اداکارہ ثناء خان  نے حجاب پر تنقید کرنے والے صارف کو جواب دے دیا۔

اسلام کی خاطر بالی ووڈ سے کنارہ کشی اختیار کرنے والی سابقہ بھارتی اداکارہ ثناء خان نے انسٹاگرام پر اپنی حجاب میں ہاتھ میں کافی کا کپ تھامے ایک دلکش تصویر شیئر کی  ہے۔

ثنا خان کی اس تصویر پر ایک صارف نے نکتہ چینی کی ، جس پر سابقہ بھارتی اداکارہ نے انتہائی تحمل مزاجی سے جواب دیا۔

صارف نے لکھا کہ کیا فائدہ اتنا پڑھنے لکھنے کا جب آپ نے خود کو یوں پردے میں ہی رکھنا ہے تو۔

جواب میں ثنا خان نے کہا کہ جب میں پردے میں رہ کر بزنس کر سکتی ہوں، اچھا سسرال اور شوہر بھی حاصل کرسکتی ہوں تو پھر مجھے کسی اور چیز کی خواہش نہیں ہے۔

اداکارہ نے مزید کہا کہ اہم بات یہ ہے کہ اللہ میری حفاظت کرتا ہے  اور الحمداللہ اب تو میری تعلیم بھی مکمل ہوچکی ہے۔

 واضح رہے کہ بھارت کے ٹی وی پروگرام ’بگ باس‘ میں شرکت سے شہرت پانے والی اداکارہ ثناء خان نے دسمبر 2020 میں اداکاری چھوڑنے کا اعلان کیا تھا۔