دنیا میں پہلی مرتبہ پرندوں میں پائے جانے والے برڈ فلو وائرس کی ایک خاص قسم کی انسانوں میں تشخیص ہوئی ہے۔

نیشنل ہیلتھ کمیشن چین کے مطابق چین میں برڈ فلو کی انسانوں میں منتقلی کا پہلا کیس رپورٹ ہوا ہے ۔

نیشنل ہیلتھ کمیشن چین کی جانب سے جاری بیان میں کہا گیا ہے کہ 41 سالہ شہری میں پہلے کیس کی تصدیق ہوئی ہے۔

شہری میں بخار اور دیگر علامات ظاہرہونے کے بعد 28 اپریل کو اسپتال میں داخل کیا گیا جو اب بھی اسپتال میں زیرعلاج ہے۔

نیشنل ہیلتھ کمیشن کا کہنا ہے کہ برڈ فلو کے انسانوں میں پھیلاؤ کا خطرہ بہت کم ہے۔ دنیا میں اس سے پہلے کسی انسان میں برڈ فلو کی علامات رپورٹ نہیں ہوئیں۔