ایران کے نومنتخب صدر ابراہیم رئیسی نے کہا ہے کہ میزائل پروگرام پر کوئی سمجھوتہ نہیں ہوگا۔

تفصیلات کے مطابق ایران کے نومنتخب صدر ابراہیم رئیسی نے میڈیا سے گفتگو کرتے ہوئے کہا کہ امریکا دباؤ کے ذریعے ایران کو جھکانے میں ناکام ہوگیا ہے

ایران کے نومنتخب صدر نے کہا کہ امریکا نے پچھلے معاہدے کے پاسداری نہیں کی،کوئی نیا معاہدہ کرنے کا سوال ہی پیدا نہیں ہوتا۔

ابراہیم رئیسی نے یہ بھی کہا کہ ایران پرعائد پابندیاں ختم کر کے امریکا اپنی سنجیدگی ثابت کرسکتا ہے لیکن اس سے کم پر کوئی بات چیت نہیں ہوگی۔

ایران کے نومنتخب صدر کا کہنا تھا کہ امریکی صدر جو بائیڈن سے ملاقات کا کوئی ارادہ نہیں ہے،ایٹمی معاملے پر غیر ضروری مذاکرات کی حمایت نہیں کریں گے۔

ابراہیم رئیسی کا یہ بھی کہنا تھا کہ ایران کے نو منتخب صدر کی خارجہ پالیسی سابقہ انتظامیہ سے مختلف ہوگی، ایران کی خارجہ پالیسی جوہری معاہدے کے گرد نہیں گھومے گی۔

اپنے بیان میں ایران کے نومنتخب صدر ابراہیم رئیسی نے واضح کرتے ہوئے کہا کہ ایران خطے میں نئے دوست بنائے گا، سعودی عرب اور خلیجی ممالک سے بہتر تعلقات کی خواہشمند ہیں۔