پاکستان شوبز انڈسٹری کی مقبول ترین جوڑی سارہ اور فلک نے مداحوں کو بڑی خوشخبری سُنادی ہے۔

اداکارہ سارہ خان نے اپنے تصدیق شدہ انسٹاگرام اکاؤنٹ پر اپنے شوہر فلک شبیر کے ہمراہ اپنی کچھ نئی تصویریں شیئر کی ہیں۔

انسٹاگرام پر پوسٹ کی جانے والی تصویر کے کیپشن میں اداکارہ سارہ نے  کیپشن میں قرآنی آیت کا ترجمہ لکھا اور ساتھ ہی مداحوں کو بڑی خوشخبری بھی دی۔

[amazonad category=”Auto”]

اداکارہ نے لکھا کہ الحمداللّہ! بہت جلد ہمارے ہاں پہلے بچے کی آمد متوقع ہے۔

سارہ خان نے مداحوں سے مخاطب ہوتے ہوئے لکھا کہ ہمیں اپنی دُعاؤں میں ضرور یاد رکھیں۔

دوسری جانب فلک شبیر نے بھی انسٹاگرام اکاؤنٹ پر مداحوں کو اس بڑی خبر کی اطلاع دی ہے۔

سارہ خان اور فلک شبیر کی پوسٹس پر مداحوں اور شوبز ستاروں کی جانب سے نیک خواہشات کا اظہار کیا جارہا ہے۔

واضح رہے کہ گزشتہ سال 17 جولائی کو اداکارہ سارہ خان اور نامور گلوکار فلک شبیر رشتۂ ازدواج میں منسلک ہوئے تھے۔