کراچی میں پولیس اہلکاروں کے لئے 24 گھنٹے کورونا ویکسینشن کا آغاز کر دیا گیا ہے۔

تفصیلات کے مطابق سیکیورٹی اینڈ ایمرجنسی سروسز ڈویژن کی جانب سے ایکسپو سینٹر کراچی میں پولیس افسران واہلکاروں  کے لیے 16 خصوصی ڈیسک قائم کی گئی ہیں۔

ذرائع کے مطابق 24 گھنٹے کورونا ویکسینیشن کا آغازپولیس افسران اوراہلکاروں کے لئے مختلف شفٹوں اور حالات میں ڈیوٹی کے پیش نظرکیا گیا ہے۔

 خصوصی ڈیسک ایڈیشنل آئی جی کراچی عمران یعقوب منہاس کی ہدایات پرڈی آئی جی سیکیورٹی اینڈ ایمرجنسی سروسز ڈویژن مقصود احمد کی جانب سے قائم کیے گئے ہیں۔

 ڈی آئی جی سیکیورٹی مقصود احمد نے ایکسپو سینٹر میں قائم خصوصی ڈیسک کا دورہ کیا اورکیے گئے انتظامات کا جائزہ بھی لیا ہے۔

ڈی جی سکیورٹی کا اس ضمن میں کہنا ہے کہ پولیس افسران واہلکاروں کی سہولت کی خاطر تمام ضروری اقدامات کئے گئے ہیں۔

مقصود احمدنے مزید کہا  کہ پولیس اہلکار اپنی سہولت کے مطابق  کورونا وائرس سے بچاؤ کی ویکسین لگوا ئیں اور اس مہلک وباء سے خود کومحفوظ رکھیں ۔