آواز کی رفتار سے تیز اڑنے والا نیا مسافر طیارہ تیار کرلیا گیا ہے۔

غیر ملکی خبر رساں ادارے کے مطابق امریکا کی کمپنی ’بوم سُپر سونک‘ نامی کمپنی نے آواز کی رفتار سے تیز فضا میں اڑنے والے مسافر طیارے کو ’اوورچر سپر سوئنگ ایئر کرافٹ‘ کا نام دیا ہے۔

بوم سُپر سونک کمپنی کا کہنا ہے کہ یہ طیارہ امریکا سے لندن کا سفر صرف ساڑھے تین گھنٹے میں طے کرسکتا ہے۔

کمپنی نے بتایا کہ اس جہاز میں 65 سے 88 نشستیں نصب کی گئی ہیں۔

خیال رہے کہ اس طیارے کے کرایہ کا فی الحال کوئی فیصلہ نہیں کیا گیا۔

تاہم  طیارے میں تمام ہی نشستوں کو بزنس کیٹگری میں شامل کیا گیا ہے۔