مونس علوی کا کہنا ہے کہ وفاقی وزیر توانائی کو کراچی میں پالیسی لوڈشیڈنگ سے متعلق تفصیلات سے آگاہ کیا گیاہے۔

تفصیلات کے مطابق سی ای او کے الیکٹرک مونس علوی کی وفاقی وزیر برائے توانائی حماد اظہر سے ملاقات کی ہے۔

 اس ملاقات میں کراچی میں بجلی کی صورتحال پر وفاقی وزیر، وزیر اعظم عمران خان اور گورنر سندھ کے بروقت مثبت اقدامات پر سی ای او کے الیکٹرک نے اظہار تشکر کیا ہے

سی ای او کا کہنا ہے کہ کے الیکٹرک کی طرف سے زائد بجلی کی خریداری اور فوری ادائیگیوں پر وفاقی وزیر نے اطمینان کا اظہار کیا ہے۔

 دوسری  جانب وفاقی وزیر حماد اظہر نے کے الیکٹرک کے 250 میگاواٹ قابل تجدید توانائی منصوبوں اور مزید 350 میگاواٹ کے پروجیکٹس کو خوش آئند قرار دیا۔

 اس کے  علاوہ کے الیکٹرک نے 5 لاکھ پودوں کی شجر کاری کا تہیہ کیا ہے جبکہ3 لاکھ پودوں کی شجر کاری مکمل کرلی گئی۔