وزیراعظم کے معاون خصوصی برائے صحت ڈاکٹر فیصل سلطان نے کہا ہے کہ کورونا کے خلاف جنگ جاری رہے گی۔

تفصیلات کے مطابق وزیراعظم کے معاون خصوصی برائے صحت ڈاکٹر فیصل سلطان نے پاک ویک لانچنگ تقریب سے خطاب کرتے ہوئے کہا کہ قومی ادارہ صحت میں 7 ادارے کام کر رہے ہیں۔

انہوں نے کہا کہ نیشنل ہیلتھ ڈیٹا سینٹر کی بہت ضرورت ہے۔

فیصل سلطان کا کہنا تھا کہ ہر مشکل میں سے آسانی نکلتی ہے اس موجودہ مشکل میں سے آسانیوں کے راستے بڑے واضع نظر آرہے ہیں۔

انہوں نے یہ بھی کہا کہ اس موجودہ چیلنج میں ہمیں ہمارا دوست چین پاس ہی نظر آیا ہے ،کورونا کی صورتحال میں بھی چین نے دوستی نبھائی ہے۔

ڈاکٹر فیصل کا کہنا تھا کہ خام مال سے ویکسین بننا اتنا سادہ مرحلہ نہیں ہے۔

فیصل سلطان نے کہا کہ کوالٹی ایشورنس اور معیار کو برقرار رکھنے کے لئے بڑی باریک بینی سے کوشش کرنی ہوتی ہے۔

انہوں نے یہ بھی کہا کہ ویکیسن کی پیداوار کا عمل بتدریج آگے بڑھتا ہے ،یہ ایک اہم قدم ہے جس کے بعد ویکیسن کی مکمل پیداوار چند سال تک پاکستان میں ہوگی۔

وزیراعظم کے معاون خصوصی برائے صحت ڈاکٹر فیصل سلطان کا کہنا تھا کہ اب این آئی ایچ کی اگلی چھلانگ لگانے کا وقت آگیا ہے، نئے قوانین کے تحت 7 بڑے اہم ادارے این آئی ایچ میں بنائے جائیں گے۔