پاکستان شوبز انڈسٹری کے لیجنڈری گلوکار عالمگیر کی گانا گانے کی ویڈیو وائرل ہو گئی ہے۔

 معروف اداکار عمران اشرف نے گاڑی میں سفر کرتے عالمگیر کی ایک ویڈیو شیئر کی ہے۔

ویڈیو میں دیکھا جا سکتا ہے کہ عالمگیر اپنا مقبول ترین گانا ’کہہ دینا آنکھوں سے‘ گاتے سُنا جاسکتا ہے۔

 [amazonad category=”Electronics”]

ویڈیو میں عمران اشرف عالمگیر کو سراہتے بھی ہیں، اور گانا گانے میں ان کا ساتھ بھی دیتے ہیں۔

ڈھاکہ کے شانتی نگر میں پیدا ہونے والے 60 سالہ عالمگیر آل انڈیا مسلم کے رہنما فوادالحق کے صاحبزادے ہیں۔

15 سال کی عمر میں پاکستان آ کر انہوں نے بطور سنگر اپنے کیریئر کا آغاز کیا پاکستان میں پاپ موسیقی کے بانیوں میں انکا شمار ہوتا ہے۔

واضح رہے کہ کچھ عرصہ قبل عالمگیر نے اپنے سوشل میڈیا پیغام میں گردے کے ٹرانسپلانٹ کے بعد کی ایک تصویر شیئر کرتے ہوئے مختصر پوسٹ میں بتایا کہ ان کے گردے کا ٹرانسپلانٹ کامیابی سے ہوگیا۔