پی ڈی ایم سربراہ مولانا فضل الرحمٰن نے کہا ہے کہ کورونا کی وجہ سے ملنے والی رقم کے باعث معیشت بہتر ہوئی ہے۔

تفصیلات کے مطابق پی ڈی ایم سربراہ مولانا فضل الرحمٰن نے اپنے ایک بیان میں کہا کہ موجودہ حکومت مکمل طور پر ناکام ہو چکی ہے۔

انہوں نے کہا کہ حکومت مخالف مہم کے لئے تمام آپشنز کھلے ہیں۔

فضل الرحمٰن نے یہ بھی کہا کہ پی ڈی ایم عوام میں واپس جا رہی ہے۔

پی ڈی ایم سربراہ کا کہنا تھا کہ 4 جولائی کو سوات میں پاور شو کریں گے۔

انہوں نے کہا کہ بجٹ میں جھوٹ بولنے کی تیاری مکمل ہے۔

فضل الرحمٰن نے یہ بھی کہا کہ ہم چاہتے ہیں اسٹیبلشمنٹ غیر جانبدار ہو جو ابھی تک نہیں ہو رہی، جس دن اسٹیبلشمنٹ غیر جانبدار ہوئی حکومت گھر چلی جائے گی۔

پی ڈی ایم سربراہ کا کہنا تھا کہ کسی ادارے کی مدد سے ہم حکومت کو گھر نہیں بھجوائیں گے۔

پی ڈی ایم سربراہ مولانا فضل الرحمٰن نے مزید کہا کہ آج بھی مشرف کی پالیسیوں کا تسلسل جاری ہے۔