بھارتی اداکارہ نے بالی ووڈ انڈسٹری کا پردہ فاش کردیا۔

غیر ملکی خبر رساں ادارے کے مطابق بالی ووڈ کی ماضی کی اداکارہ نینا گپتا نے بہت سالوں کے بعد خاموشی توڑ دی ہے۔

 [amazonad category=”Mobile”]

اداکارہ نینا گپتا نے ایک عرصے تک خاموش رہنے کے بعد اب اپنی ہم عصر اداکارائوں شبانہ اعظمی، سمیتا پاٹل اور دیپتی نوال کے متعلق گفتگو کرتے ہوئے کہا ہے کہ ان اداکارائوں کو آرٹ ہائوس سینما کے چہرے کے طور پر دیکھا جاتا تھا اور تمام مرکزی کردار بھی انہیں کو دیئے جاتے تھے۔

انہوں نے کہا کہ مجھے کبھی بھی تجارتی لحاظ سے فائدہ مند اداکارہ نہیں سمجھا گیا، اور نہ کوئی لیڈ رول ملا۔

اداکارہ نے مزید بتایا کہ فلم ڈائریکٹرز مثلاً گوند نہلانی اور شیان بینیگال نے مجھے کبھی بھی تجارتی لحاظ سے اچھی اداکارہ ہی نہ سمجھا۔

حال ہی میں نینا گپتا نے اپنی آپ بیتی سچ کہوں تو کی اشاعت کی ہے، جس میں اپنی پوری ذاتی اور پیشہ وارانہ  زندگی کا احاطہ کیا ہے۔

نینا گپتا کا کہنا ہے کہ وہ کم گو اور شرمیلی تھیں اور لوگوں سے بار بار جاکر کام کے لیے بات نہیں کرتی تھیں، یہ سمجھ کر کہ کہیں وہ ناراض نہ ہوجائیں۔