کراچی میں بارشوں سے پہلے گجر نالے اور اورنگی نالے پر تجاوزات کے خلاف آپریشن شروع کردیا گیا ہے۔

تفصیلات کے مطابق گجر نالے اور اورنگی نالے پر بیک وقت  تین مقامات پر تجاوزات کے خلاف آپریشن کیا جارہا ہے۔

 آپریشن کی قیادت سینیئر ڈایریکٹر بشیر صدیقی کررہے ہیں۔

 ڈایریکٹر بشیر صدیقی کا کہنا ہے کہ  سپریم کورٹ کے احکامات پر کراچی کے برساتی نالوں پر تجاوزات کے خلاف آپریشن جاری ہے،  آپریشن کے دوران امن و امان برقرار رکھنے کے لیئے رینجرز،  پولیس،  اینٹی اینکروچمنٹ پولیس ، سرچر پولیس کے آفیسرزسمیت جوان بڑی تعداد میں موجود ہیں۔

 ہر ٹیم کے ساتھ علاقہ اسسٹنٹ کمشنر کے الیکٹرک ، سوئی سدرن گیس ، واٹر بورڈ اور دیگر اداروں کی ٹیمیں بھی موقع پر موجود ہیں ۔

واضح رہے کہ کراچی میں برساتی نالوں سے تجاوزات کا کام بہت جلد مکمل کرلیا جائیگا۔