محکمہ موسمیات کی جانب سے بلوچستان  کے بیشتر اضلاع میں موسم گرم رہنے کا امکان بتایا گیا ہے۔

محکمہ موسمیات کا کہنا ہے کہ سبی اور کوہلو میں موسم شدید گرم رہے گا تاہم ژوب ، بارکھان اور اس سے ملحقہ علاقوں میں آندھی اور گرج چمک کے ساتھ  بارش کا بھی امکان ہے۔

تفصیلات کے مطابق کوئٹہ میں زیادہ سے زیادہ درجہ حرارت 36 ڈگری سینٹی گریڈ ، قلات میں 33 ، بلوچستان کے ساحلی علاقے گوادر میں 32 ، سبی میں 44 اور نوکنڈی میں زیادہ سے زیادہ موجودہ درجہ حرارت 42 ڈگری سینٹی ریکارڈ کیا گیا ہے۔

واضح رہے کہ کوئٹہ میں ہوا میں نمی کا تناسب 11 فیصد ، گوادر میں 58 فیصد، سبی میں 48 اور نوکنڈی میں نمی کا تناسب 8 فیصد ریکارڈ کیا گیا ہے۔