پاکستان بھر میں کاروباری ہفتے کے چوتھے روز سونے کی قیمت میں کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 900 روپے کمی کے بعد 1 لاکھ 10 ہزار 200 روپے ہوگئی ہے جبکہ 10 گرام سونے کی قیمت 770 روپے کمی کے بعد 94 ہزار 480 روپے ہوگئی ہے۔

قیمتوں میں کمی کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 900 روپے کمی کے بعد 1 لاکھ 10 ہزار 200 روپے ہوگئی ہے جبکہ 10 گرام سونے کی قیمت 770 روپے کمی کے بعد 94 ہزار 480 روپے ہوگئی ہے۔

عالمی صرافہ مارکیٹ میں سونا 16 ڈالر کمی سے 1875 ڈالرز فی اونس کا ہوگیا ہے۔

علاوہ ازیں انٹر بینک میں ڈالر کی قیمت میں کاروباری ہفتے کے چوتھے روز اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں  23 پیسے کا اضافہ ہوا ہے۔

فاریکس ڈیلرز کے مطابق انٹربینک میں ڈالر 155.69 سے بڑھ  کر 155.92 روپے پر بند ہوا ہے۔