وزیرمملکت فرخ حبیب نے کہا ہے کہ معاشی بہتری سے اپوزیشن بوکھلاہٹ کا شکار ہے۔

تفصیلات کے مطابق وزیرمملکت فرخ حبیب نے میڈیا سے گفتگو کرتے ہوئے کہا کہ احساس پروگرام کے تحت 34 پروگرامز چل رہے ہیں۔

انہوں نے کہا کہ پیپلزپارٹی نے سندھ کو مافیاز کے رحم وکرم پر چھوڑا ہوا ہے۔

فرخ حبیب نے یہ بھی کہا کہ بتایا جائے پیپلزپارٹی نے کتنے صنعتی یونٹس لگائے ہیں۔

وزیرمملکت کا کہنا تھا کہ سندھ میں گندم چوری ہو گئی اور کہا گیا کہ چوہے کھا گئے۔

انہوں نے کہا کہ پیپلزپارٹی بھی بہت بار آئی ایم ایف میں جاچکی ہے۔

فرخ حبیب نے یہ بھی کہا کہ بلاول بھٹو کو خود کا پتہ نہیں ہے اور آئی ایم ایف کی بات کرتے ہیں۔

وزیرمملکت کا کہنا تھا کہ ہمارا ہر سیکٹر گرو کر رہا ہے، برآمدات میں تیزی سے اضافہ ہو رہا ہے۔

وزیرمملکت فرخ حبیب نے مزید کہا کہ ٹریکٹر،موٹرسائیکل اور سیمنٹ کی فروخت میں اضافہ ہوا ہے جبکہ اس وقت حکومتی آمدن اخراجات سے زیادہ ہے۔