خیبرپختونخوا فوڈ سیفٹی اتھارٹی کی چارسدہ روڈ پشاور پر کارروائی، مردہ اور بیمار مرغیاں برآمد کی گئی ہیں۔

تفصیلات کے مطابق  پشاور کے علاقے چارسدہ روڈ پر کارروائی کے دوران 750 کلو سے زائد مردہ اور بیمار مرغیاں برآمد کی گئی ہیں۔

 اس ضمن میں پشاور فوڈ  سیفٹی اتھارٹی کا کہنا ہے کہ کارروائی کے دوران متعلقہ دکان سیل کر دی گئی ہے اور مالکان کے خلاف مقدمہ درج کرلیا گیا ہے۔

فوڈ سیفٹی اتھارٹی نے بتایا کہ یونیورسٹی روڈ پر صفائی کی نہایت ناقص صورتحال پر ہوٹل سیل کردیا گیا ہے اس کے علاوہ: مانسہرہ میں ناکہ بندی کے دوران گاڑی سے 1500 لیٹر جعلی مشروبات برآمد کرلی گئی ہیں۔

فوڈ سیفٹی اتھارٹی نے مزید بتایا کہ ڈی آئی خان میں ناقص صفائی پر ائس کریم فیکٹری سیل کردی گئی ہے۔