قومی ٹیم کے وکٹ کیپر بلے باز محمد رضوان کا کہنا ہے کہ جب بھی ہماری ٹیم انگلینڈ آئی لڑکوں نے اچھا پرفارم کیا۔

ورچوئل پریس کانفرنس کرتے ہوئے محمد رضوان کا کہنا تھا کہ ہم نے گزشتہ چھ سیریز میں کامیابی حاصل کی ہے، انگلینڈ کے خلاف اچھا مقابلہ دیکھنے کو ملے گا۔

[amazonad category=”Auto”]

انہوں نے کہا کہ میں کپتانی کے حوالے سے نہیں سوچتا بلکہ بطور کھلاڑی کھیلتا ہوں۔

 محمد رضوان کا کہنا تھا کہ میں وائس کپتان ہوں، کپتان کو جہاں ضرورت ہوئی میں اپنی رائے دوں گا، دباؤ نہیں بلکہ اپنی بیٹنگ کو انجوائے کرتا ہوں۔

انہوں نے کہا کہ بابر اعظم اپنا اسٹرائیک ریٹ بہتر رکھتے ہیں، ہمارا مڈل آرڈر کا تھوڑا مسئلہ ہے جس پر لڑکے محنت کررہے ہیں،  ابھی دو کیپر ہیں زیادہ بھی ہوں تو مقابلہ مضبوط ہوگا، ہمارے زیادہ مسائل مڈل آرڈر کے ہیں۔

محمد رضوان نے کہا کہ صہیب مقصود نے کراچی لیگ میں پانچویں نمبر پر کھیلا اور پرفارم کیا، صہیب مقصود کو جہاں موقع دیں گے وہ پرفارم کریں گے۔

انہوں نے مزید کہا کہ ہمارا ٹیم کمبینیشن اب بہت اچھا بن گیا ہے،  اس سیریز میں ہماری تمام کمی پوری ہوں گی۔