معاون خصوصی برائے سیاسی ابلاغ ڈاکٹر شہباز گِل نے کہا ہے کہ نااہل لیگ کے تمام پروپیگنڈے کا ایک ہی جواب ہے این آر او نہیں ملنے والا۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے مریم اورنگزیب کے بیان پر ردعمل دیتے ہوئے کہا کہ متعدد بار فرار ہونے والے آج پارلیمان سے بھی مفرور ہوئے ،عوامی بجٹ کو پاس ہوتا نہ دیکھ سکنے والے آج پارلیمنٹ سے غائب تھے۔

حکومت نے پہلی بار گاڑیاں سستی کرنے کا اعلان کیا ہے،1000سی سی تک کی گاڑیوں پر فیڈرل ایکسائز ڈیوٹی ختم کر دی گئی ہے۔

معاون خصوصی برائے سیاسی ابلاغ نے کہا کہ سیلز ٹیکس کو 17 فیصد سے کم کر کے ساڑھے 12 فیصد کر دیا ہے،850  سی سی والی گاڑیوں پر شرح 5 فیصد کر دیا ہے۔

ڈاکٹر شہباز گِل نے یہ بھی کہا کہ گزشتہ تین ماہ میں بجلی کا بل 30 کروڑ ادا کیا گیا اور تنخواہوں کی مد میں 12 کروڑ روپے ادا کیے جانے کے بعد تین ماہ کا خسارہ 14 کروڑ روپے ہے۔

معاون خصوصی برائے سیاسی ابلاغ ڈاکٹر شہباز گِل نے مزید کہا کہ پنجاب حکومت سبسڈی کی مد میں تقریباً ساڑھے 7 کروڑ روپے یومیہ ادا کرے گی۔