ایک وہیل مچھلی بہت آسانی سے ایک انسان کو سالم نگل سکتی ہے۔

امریکی ریاست میساچوسٹس کے ساحلی علاقے کیپ کوڈ میں کمرشل لابسٹر ڈائیور 11 جون کو وہیل کے منہ میں پھنس گیا تھا اور اسے لگا کہ وہ مرنے والا ہے۔

56  سالہ مائیکل پیکارڈ 45 میٹر گہرے پانی میں تھا جب اسے اچانک اپنے قریب ایک بڑی وہیل مچھلی کا احساس ہوا اس وقت غوطہ خور کو لگا اس پر کسی شارک نے حملہ کیا ہے مگر پھر اسے دانتوں کی عدم موجودگی اور درد نہ ہونے کا احساس ہوا۔

اس نے بتایا  کہ مجھے احساس ہوا کہ میں وہیل کے منہ میں ہوں اور وہ مجھے نگلے کی کوشش کررہی ہے 30 سیکنڈ تک اندر ہی سانس لیتا رہا کیونکہ سانس لینے میں مدد فراہم کرنے والے آلات میرے پاس موجود تھے۔

پھر وہیل مچھلی سطح پر ابھری اور اپنے سر کو جھٹکا دے کر باہر پھینک دیا، جہاں موجود کشتی میں اس کے ساتھی نے اسے بچالیا۔

ایک سائنسدان اور وہیل مچھلیوں کے ماہر چارل مایو نے بتایا کہ خوش قسمتی سے وہیل مچھلیاں انسانوں پر حملہ نہیں کرتی ،وہیل مچھلی اور انسانوں کے اس طرح کے واقعات شاذ و نادر ہی ہوتے ہیں۔