دلہن نے عین شادی کے وقت گٹکا کھانے والے دلہے سے ‏رشتہ ختم کر دیا۔

غیر ملکی خبر رساں ادارے کے مطابق یہ واقعہ بھارت کی ریاست اترپردیش کے ضلع بالیا میں پیش آیا ہے۔

بھارت کی ریاست اترپردیش میں بارات لے کر آنے والے دلہے ‏کو گٹکے کی لت کی وجہ سے خالی ہاتھ لوٹنا پڑا۔

دلہا اور دلہن شادی کے لیے پہنچ چکے تھے اور اس ہی دوران ‏دلہن نے اپنے ہونے والے شوہر کو گٹکا کھاتے ہوئے دیکھ لیا۔

عین شادی کے وقت دلہن نے شادی کرنے سے انکار کر دیا اور اپنے فیصلے پر ڈٹ گئی۔

 دلہن نے اہلِ خانہ ‏کو بتایا کہ وہ گٹکا کھانے والے شخص سے شادی نہیں کر سکتی۔

دونوں خاندانوں نے دلہن کو منانے کی کوشش کی تاہم اس کا اٹل فیصلہ تبدیل نہ ہو سکا۔

اس ہی وجہ سے ‏باہمی رضامندی سے دونوں خاندانوں نے ایک دوسرے کو دیے گئے تحائف واپس کرنے کا فیصلہ ‏کیا۔

اس حوالے سے مقامی پولیس نے بتایا کہ گٹکے کی وجہ سے لڑکی نے شادی سے انکار کر دیا اور بارات لے کر ‏آنے والے لڑکے کو خالی ہاتھ لوٹنا پڑا۔