آئی سی سی آئی نے مطالبہ کیا ہے کہ حکومت کورونا وبا کو مدنظر رکھتے ہوئے کوئی نیا ٹیکس نہ لگائے۔

تفصیلات کے مطابق اسلام آباد چیمبر آف کامرس اینڈ انڈسٹری نے حکومت اور ایف بی آر کو بجٹ  کی تجاویز بھیج دیں ہیں۔

آئی سی سی آئی نے مطالبہ کیا ہے کہ ٹیکس ریٹرن فارم کو 30 جون 2021 سے پہلے سادہ بنایا جائے اور نئے ٹیکس گزاروں کیلئے 2 فیصد فکس ٹیکس ریٹ متعارف کروایا جائے۔

آئی سی سی آئی نے کہا ہے کہ ٹرن اوور ٹیکس کو 1.5 فیصد سے کم کرکے 0.5 فیصد پر لایا جائے اور پلانٹ، مشینری اور دیگر پراڈکٹس پر امپورٹ اور کسٹم ڈیوٹی کی شرح میں کمی کی جائے۔

 انھوں  نے مطالبہ کیا ہے کہ تعمیراتی صنعت سمیت رئیل اسٹیٹ، سیاحت، طب اور زراعت سے وابستہ مصنوعات پر ٹیکس شرح میں کمی جائے اور جنرل سیلز ٹیکس ان پٹ ٹیکس ایڈجسٹمنٹ کے بغیر 5 فیصد پر رکھا جائے تاکہ مہنگائی میں کمی ہواور صنعتی خام مال پر 3 فیصد اضافی سیلز ٹیکس کو ختم کیا جائے۔

آئی سی سی آئی کے مطالبے کے مطابق گیس بلوں میں سے جی آئی ڈی سی کی چھوٹ دی جائےاور رینٹل آمدنی پر ٹیکس 35 فیصد سے کم کرکے 10 فیصد پر لایا جائے۔

آئی سی سی آئی نے حکومت سے مطالبہ کیا ہے کہ حکومت برآمدات پر ر ریبیٹس کی ادائیگی میں تیزی لائے تاکہ برآمدی شعبے میں بہتری آئے، انکم اور سیلز ٹیکس ریفنڈز سمیت ڈیوٹی ڈرابیک کی ادائیگیوں کا عمل بھی تیز کرے۔

ان کا مزید یہ بھی مطالبے ہے کہ صنعتی شعبے میں بجلی کی فی یونٹ قیمت میں 5 روپے کی کمی لائی جائے تاکہ عالمی مارکیٹ کے ساتھ مقابلہ کیا جاسکے اور آڈٹ کیسوں کو نمٹانے کی کم ازکم مدت 6 ماہ کی جائے، پالیسی ریٹ کو 6 فیصد پر لایا اور پاکستان میں ایگزم بینک بنایا جائے۔