محکمہ پرائمری اینڈ سیکنڈری ہیلتھ کیئر سارہ اسلم نے کورونا پابندیوں میں نرمی کا نوٹیفکیشن جاری کردیا ہے۔

سیکرٹری پرائمری اینڈ سیکنڈری ہیلتھ کیئر کے جاری کردہ نوٹیفکیشن میں بتایا ہے کہ این سی او سی کے فیصلوں کی روشنی میں پابندیوں میں نرمی پر عمل درآمد یکم جولائی سے 31 جولائی تک برقرار رہے گا۔

جاری کردہ نوٹیفیکشن میں بتایا گیا ہے کہ تمام کاروباری مراکز میں کمرشل سرگرمیوں پر رات 10 بجے کے بعد پابندی عائد ہوگی، دکانیں کمرشل مارکیٹس اور شاپنگ مالز میں کاروباری سرگرمیاں رات دس بجے تک جاری رہ سکتی ہیں۔

نوٹیفیکشن کے مطابق فارمیسز، میڈیکل اسٹورز، فلنگ اسٹیشنز، طبی مراکز، بیکریز، تندور، پوسٹل سروس، ملک شاپس، کیٹل، فروٹ وسبزی منڈیاں، ای کامرس، ٹیک آویز سروس، کال سینٹرز، کورئیر سروس کو 24 گھنٹے کام کرنے اجازت دے دی گئی ہےجبکہ اتوار کے روز کمرشل کاروباری مراکز بدستور بند رہینگے۔

نوٹیفیکیشن میں بتایا گیا ہے کہ فارمیسز، میڈیکل اسٹورز، فلنگ اسٹیشنز، طبی مراکز، بیکریز، تندور، پوسٹل سروس، ملک شاپس بھی کھلے رہینگےاور شادی کی تقریب میں انڈور ہونے پر 200  افراد جبکہ آوٹ ڈور کےلیے 400 افراد شرکت کرسکیں گے، شادی کی تقریب میں شرکت کرنے والوں کے لیے  ویکسینیشن کرانا لازمی قرار دے دی گئی ہے۔

نوٹیفیکیشن کے مطابق شادی ہال انتظامیہ اسٹاف کی ویکسینیشن اور ایس او پیز پر عمل درآمد کرانے کی پابند ہوگی اور ریسٹورنٹس انتظامیہ 50 فیصد تعداد کے ساتھ انڈور ڈائینگ سروس رات 11 بجکر 59 منٹ تک جاری رکھ سکے گی، ریسٹورنٹس انتظامیہ ایس او پیز پر سختی سے عمل درآمد کرانے کی پابند ہوگی۔

نوٹیفیکشن میں بتایا گیا ہے کہ تفریحی پارکس، سوئمنگ پولز، واٹر سپورٹس کو بھی پچاس فیصد کی صلاحیت کے ساتھ سرگرمیوں کو جاری رکھنے کی اجازت ہے اس کے علاوہ تفریحی پروگرامز اور پارکس میں ماسک کا استعمال بدستور لازمی ہوگا۔

جاری نوٹیفیکشن میں تمام سرکاری و پرائیویٹ سیکٹرزکو مکمل حاضری سے آپریشنل رہنے کی اجازت دے دی گئی ہے اور سینیما ہالز کو رات 1 بجے تک کھلے رکھنے کی بھی اجازت دے دی گئی ہے۔

نوٹیفیکشن میں بتایا گیا ہے کہ مزارات پر جانے والوں کےلیے ویکسینیشن کرانا لازمی ہے اور 30 سال سے کم عمر شہریوں کےمزارات پر جانے پابندی برقرار ہے۔

نوٹیفیکشن کے مطابق فیسٹیول، کھیل اور ثقافتی سرگرمیاں بھی بحالی کردی گئیں ہیں، انٹرسٹی اور انٹرا سٹی ٹرانسپورٹ کو 70 فیصد کپیسیٹی کے ساتھ آپریشنز جاری رکھنے کی اجازت دے دی گئی ہے۔

واضح رہے کہ لاہور سمیت صوبہ بھر کے مزارات اور مزہبی مقامات کوعوام کے کےلیے کھول دیاگیا ہے

خیال رہے کہ ویکسینیشن کرانے والوں کو فٹنس جمز کو آپریشنل کرنے کی اجازت مل گئی ہے اور ریلوے میں 70 فیصد تک مسافروں کو سفر کرنے کی اجازت دے دی گئی ہے اس کے علاوہ تمام سیاحتی سرگرمیوں کو جاری رکھنےکی اجازت دے دی گئی ہے۔