مسلم لیگی رہنما احسن اقبال نے کہا ہے کہ اسحاق ڈار نے وہ اصلاحات نافذ کی ہیں جس سے ہمیں فائدہ ہوا ہے۔

تفصیلات کے مطابق مسلم لیگی رہنما احسن اقبال نے اپنے ایک بیان میں کہا کہ ہم نے 4 سال میں 11 ہزار میگاواٹ بجلی کے منصوبے لگائے ہیں۔

انہوں نے کہا کہ ن لیگ کے دور حکومت میں ہی لانگ ٹرم پلان بنایا گیا تھا۔

احسن اقبال نے یہ بھی کہا کہ ن لیگ نے کوئلے، سورج اور ہوا سے بجلی کے منصوبے لگائے ہیں۔

مسلم لیگی رہنما کا کہنا تھا کہ ہم نے ہر ضلعے میں نئی یونیورسٹی کی بنیاد رکھی تھی اور ن لیگ کے دور حکومت میں یونیورسٹی کے طلباء کو لیپ ٹاپ بھی دیئے۔