آج کل ہر شخص اس لئے پریشان ہے کہ وہ کیسے اپنا موٹاپا کم کرے اور اس ہی کشمکش میں وزن کم ہونے کہ بجائے بلکہ بڑھ جاتا ہے۔

سب سے پہلے یہ جاننا ضروری ہے کہ وزن بڑھتا کیوں ہے؟

ماہرین کا کہنا ہے کہ وزن کے بڑھنے میں کیلوریز کا براہِ راست کردار ہوتا ہے، مثلاً آپ کتنی کیلوریز کھاتےہیںآپ کو استعمال ہونے والی کیلوریز میں سے جسم میں بچ جانے والی کیلوریز میں توازن پیدا کرنا ہے۔ اگر آپ اپنے جسم میں ضرورت سے زیادہ کیلوریز بچا رہے ہیں اور انھیں جسمانی مشقت کے ذریعے استعمال نہیں کررہے تو یقیناً آپ کا وزن بڑھنا شروع ہوجائے گا۔

واضح ہے کہ زیادہ کیلوریز  والی چیزیں مثلاً، چینی، سوفٹ ڈرنکس اورپروسیسڈ ویجیٹیبل گھی وغیرہ اپنی زندگی سے دور کر دیں اور  اپنی غذا میں تازہ پھل اور سبزیاں شامل کریں۔

آج کل ہماری سب سے بڑی غلطی یہ ہے کہ ہم ورزش نہیں کرتے ،جدت نے ہماری زندگیوں کو ایک طرف سہل بنادیا ہے تو دوسری طرف ہمارے رویوں میں کاہلی شامل ہوگئی ہے ،ورزش کے لیے خصوصی طور پر وقت نکالنا تو دور کی بات، لوگ چہل قدمی کرنا بھی بھول گئے ہیں۔ اپنے روز مرہ مصروفیات میں کم از کم چہل قدمی کو شامل کریں۔

ڈائٹ پلان اپنی زنگی میں شامل کر لیں دودھ والی چائے اور نشہ آور چیزوں کو زندگی سے نکال باہر پھینکیں، ان کی جگہ بلیک ٹی، بلیک کافی اور لیموں کا پانی استعمال کریں ،ناشتے میں جو کا دلیہ یا گریپ فروٹ کا استعمال کریں۔

دوپہر کا کھانے میں تازہ سبزیوں کا سلاد کھائیں جیسے گاجر، سیب، انگور، پھلیاں، تربوز، پپیتا، اخروٹ یا کوئی بھی کم کیلوری والی سبزی یا پھل کھائیں ،آپ اُبلی ہوئی سبزیاں یا ایک چھوٹا کپ اُبلے ہوئے چاول بھی کھاسکتے ہیں۔

خیال رہے کہ رات کے کھانے میں چپاتی کے ساتھ صحت مند سبزیاں لیں۔