بھارت کے غیر قانونی زیر قبضہ جموں و کشمیر میں بھارتی فوجیوں نے آج اپنی ریاستی دہشت گردی کی تازہ کارروائی کے دوران سرینگر میں ایک اور کشمیری نوجوان کو شہید کردیا ہے۔

کشمیری میڈیا کے مطابق  گزشتہ 24 گھنٹوں کے دوران علاقے میں شہید ہونے والے کشمیری نوجوانوں کی تعداد بڑھ کر 2  ہو گئی ہے۔

 تفصیلات میں بتایا گیا ہے کہ بھارتی فوجیوں نے کشمیری نوجوان کو شہر کے علاقے پارمپورہ میں تلاشی اور محاصرے کی ایک کارروائی کے دوران گرفتار کرنے کے بعد زیرحراست شہید کیا تھا۔

 وہیں دوسری جانب گزشتہ روز بھی بھارتی فوجیوں نے اسی علاقے میں ایک کشمیری نوجوان کو شہید کیا تھا جس کی شناخت ابرار احمد کے طورپرہوئی ہے۔

واضح رہے کہ دریں اثناء علاقے میں تلاشی اور محاصرے کی کارروائی کے دوران بھارتی سینٹرل ریزر اور پولیس فورس کے 2  افسر اور 1 فوجی زخمی ہو گئے تھے۔