وزیرخزانہ شوکت ترین کی زیرصدارت قومی پرائس مانیٹرنگ کمیٹی کا اجلاس  ہوا ہے۔

اجلاس میں اسٹریٹجک ذخائر کے لئے جولائی سے 40  لاکھ ٹن گندم درآمد کرنے کا فیصلہ کیا گیا ہے۔

اجلاس کے دوران چکن ،آٹا، چینی اور کھانے کے تیل سمیت دیگر اشیاء کی قیمتوں کا جائزہ بھی لیا گیا ہے۔

سیکریٹری خزانہ کا کہنا تھا کہ گزشتہ 2 ہفتوں سے مہنگائی میں کمی کا رحجان ہے۔

سیکریٹری خزانہ نے اجلاس میں چینی کی عالمی قیمتوں میں سالانہ 58 اور ماہانہ 5.6 فیصد اضافے پر بریفنگ دی ہے۔

وزیرخزانہ شوکت ترین نے گندم اور چینی کی خریداری کے لئے سرکاری اور نجی سطح پرانتظامات کی ہدایت بھی دے دی ہے۔