پاکستان شوبز انڈسٹری کی معروف اداکارہ ہانیہ عامر کی تصویر سوشل میڈیا پر وائرل ہوگئی ہے۔

اداکارہ ہانیہ عامر نے انسٹاگرام پر اپنی ایک تصویر پوسٹ کی ہے جسے مداحوں کی جانب سے  بہت پسند کیا جا رہا ہے ۔

مزید پڑھیں

ہانیہ عامر کی ویڈیو نے سوشل میڈیا پر دھوم مچادی

پاکستان شوبز انڈسٹری کی کیوٹ اداکارہ ہانیہ عامر آئے دن کسی نہ...

ہانیہ کی جانب سے پوسٹ کی جانے والی تصویر میں دیکھا جا سکتا ہے کہ اداکارہ سیاہ رنگ کا لباس زیب تن کی ہوئی ہیں جو اداکارہ کی خوبصورتی میں مزید اضافہ کر رہا ہے۔

 گزشتہ دنوں اداکارہ کی ایک ویڈیو سوشل میڈیا پر وائرل ہوئی جس کی وجہ سے اداکارہ پر تنقید کی گئی۔

بعد ازاں انسٹاگرام کی پوسٹ میں ہانیہ عامر نے معافی مانگی اور کہا کہ ان کی وجہ سے جانے انجانے میں اگر کسی کا دل دُکھا ہو تو وہ معذارت خواہ ہیں۔

 اداکارہ  نے اپنی پوسٹ میں لکھا کہ یہ میں آخری مرتبہ سب کے سامنے حقائق رکھ رہی ہوں۔

انہوں نے کہا کہ میرا مطلب کسی سے لفظی جنگ نہیں نہ ہی اصل وجہ یہ ہے کہ کسی سابقہ بوائے فرینڈ سے بحث کو طُول دی جائے۔

ہانیہ عامر نے کہا کہ میری تمام تر شکایت انٹرنیٹ پر ہراساں کیے جانے کی ہے۔

انہوں نے کہا کہ کسی بھی عورت کو یوں ہراساں کرنا کسی معاشرے میں قابلِ قبول نہیں ہے۔

اداکارہ نے مزید لکھا کہ یہ بطور انسان ہماری ذمہ داری ہے کہ ہم آنے والی نسلوں کے لیے راہیں ہموار کریں۔

ہانیہ عامر نے اپنی پوسٹ میں یہ بھی لکھا کہ میں اپنی غلطی تسلیم کرنے میں کبھی پیچھے نہیں ہٹوں گی اور روزانہ بہتر سے بہتر انسان بننے کی کوشش بھی کروں گی۔

انہوں نے کہا کہ معافی مانگنے کا مطلب کسی کو نیچا دکھانا نہیں ہوتا اسی وجہ سے مجھے ایسا لگتا ہے کہ مجھے بھی معافی مانگنی چاہیے۔

علاوہ ازیں اداکارہ ہانیہ عامر نے ڈھکے چھپے الفاظ کا استعمال کرتے ہوئے پاکستانی گلوکار اور اداکار عاصم اظہر کو بھی پیغام دیا ہے۔

واضح رہے اداکارہ ہانیہ نے کہا کہ براہِ کرم آپ بھی واضح پیغامات شیئر کریں، آپ کے ریمارکس کسی کی شخصیت کو بری طرح متاثر کرسکتے ہیں۔