کراچی شہرمیں آئے روز رونما ہونےوالی ورداتوں کی وجہ سے یہ شہر کرمنلوں کی آماجگاہ بننے لگا ہے۔

تفصیلات کے مطابق کراچی کے ڈسٹرکٹ ویسٹ میں ملزمان پولیس وردی میں ملبوس ہوکر گھروں کا صفایہ کرنے لگ گئے ہیں۔

دوسری جانب ڈسٹرکٹ ویسٹ پولیس وارداتوں کو روکنے میں ناکام ہو رہی ہے، پولیس یونیفارم پہن کر وارداتیں کرنے والے ملزمان سے ویسٹ پولیس پریشان ہے۔

ذرائع کے مطابق اورنگی ٹاؤن میں واقع گھر پر پولیس کے یونیفارم میں ملبوس 6 ملزمان نے دھاوا بول دیا اور گھر کے رہائشیوں کو اسلحے کے زور پر یرغمال بنا کر گھر کا سامان لوٹ لیا۔

ذرائع نے بتایا کہ ملزمان گھر سے تین تولہ سونا، موبائیل فونز، نقدی اور قیمتی اشیاء لوٹ کر فرار ہوگئے۔

عینی شایدین کا کہنا ہے کہ پولیس کے یونیفارم میں ملبوس ملزمان پولیس موبائل میں آئے تھے۔

 اس کے علاوہ درخواست گزار کا کہنا ہے کہ واقعہ صبح فجر کے وقت میں ہوا ہے۔

درخواست گزار کا مزید کہنا ہے کہ واردات کا مقدمہ اورنگی ٹاؤن میں درج کرلیا گیا ہے۔