سربراہ پاک فضائیہ ائیر چیف مارشل ظہیر احمد بابر سدھو نے کہا ہے کہ رومانیہ اور پاکستان کے درمیان خوشگوار تعلقات قائم ہیں۔

ترجمان پاک فضائیہ کی جانب سے جاری بیان کے مطابق رومانیہ کے سفیر سے سربراہ پاک فضائیہ ائیر چیف مارشل ظہیر احمد بابر سدھو کی ملاقات ہوئی جس میں باہمی دلچسپی اور پیشہ ورانہ تعاون کے مختلف امور پر بات چیت کی گئی۔

[amazonad category=”Mobile”]

ملاقات میں سربراہ پاک فضائیہ ائیر چیف مارشل ظہیر احمد بابر سدھو  نے کہا کہ رومانیہ اور پاکستان کے درمیان خوشگوار تعلقات قائم ہیں۔دونوں ملکوں کی فضائی افواج کے درمیان باہمی تعاون کو فروغ دیا جائے گا۔

اس موقع پر رومانیہ کے سفیر نے کہا کہ پیشہ ورانہ مہارت اور ایوی ایشن انڈسٹری میں خود انحصاری کی طرف گامزن پاک فضائیہ قابل تعریف ہے۔