حافظ آباد میں تاجر سے 40 کروڑ کی غیر قانونی گندم پکڑلی گئی ہے۔

تفصیلات کے مطابق حافظ آباد میں ڈپٹی کمشنراور پاسکو حکام نے مختلف رائس ملز پر چھاپے مارے تھے۔

ذرائع کے مطابق پاسکو حکام کی ناقص پالیسیوں کے باعث گندم کے حصول کا ٹارگٹ ناکام رہا جبکہ ڈپٹی کمشنر نے پاسکو کے مراکز پر ٹارگٹ پورا کرنے کی ہمت ٹھان لی۔

ذرائع نے بتایا کہ چھاپوں کے دوران 170000 ہزار بوری میں ذخیرہ کی گئی گندم برآمد ہوئی ہے۔

اس ضمن میں ضلعی انتظامیہ کا کہنا ہے کہ برآمد کی گئی گندم کی قیمت 30 کروڑ روپے سے زائد بنتی ہے۔

ضلعی انتطامیہ نے کہا کہ پکڑی گئی گندم رائس ملز کے گوداموں میں چھپائی گئی تھی۔

ڈپٹی کمشنر نورش صباء نے بتایا کہ برآمد شدہ گندم پاسکو سینٹرز پر منتقل کر دی گئی ہے۔