سعودی عرب میں قصیم ریجن کے دارالحکومت بریدہ کے النخیل مال میں پہلے سینما گھر کا افتتاح کردیا گیا ہے۔

غیر ملکی میڈیا کے مطابق سینما 8  اسکرینز پر مشتمل ہے اور اس میں 1311 نشستوں کی گنجائش ہے جبکہ  الگ فوڈ کارنر بھی رکھا گیا ہے۔

  ذرائع کا کہنا ہے کہ بریدہ کے النخیل مال میں جی سی ایس کی جانب سے اپنی نوعیت کے منفرد تجربے کا موقع فراہم کیا گیا ہے، اس کے تحت فلموں کے شائقین دیو ہیکل فلمی مناظر کا مشاہدہ کرسکتے ہیں۔

واضح رہے کہ یہ منصوبہ معیار زندگی بہتر بنانے والے پروگرام اور سمعی و بصری ابلاغ کے اعلی ادارے کی جانب سے شائقین کو مملکت کے مختلف علاقوں میں انواع و اقسام کے تفریحاتی سرگرمیاں فراہم کرنے کی پالیسی کا حصہ ہے۔