ملتان میں کورونا ایس او پیز کی خلاف ورزی کرنے والے شہریوں  کے خلاف بھر پور کارروائی کی جارہی ہے۔

تفصیلات کے مطابق ملتان میں حکومت کی ہدایات کے مطابق رات 8  بجے دکانیں بند نہ کرنے پر 15 دکانداروں کے خلاف ایف آئی آر درج کر لی گئی ہے جبکہ انڈور میرج پارٹی منعقد کرنے پر شادی ہال کے مالک پر25 ہزار روپے کا جرمانہ عائد کردیا گیا ہے۔

ذرائع کا کہنا ہے کہ ماسک نہ پہننے پر 12 شہریوں پر 6000 روپے کا جرمانہ عائد کیا گیا ہے جبکہ خلاف ورزی کرنے پر 9 تجارتی مراکز بھی  سیل کر دیئے گئے ہیں۔

 شہر میں ماسک کے بغیر مسافروں کو سوار کرنے  پر 5 بسوں کو بھی تحویل میں لے لیا گیا ہے۔

واضح رہے کہ شہر میں کورونا ایس او پیز کی خلاف ورزی کرنے والوں پر مجموعی طور پر84 ہزار روپے کے جرمانے عائد کئے گئے ہیں۔