نیوکراچی میں نالے کے اطراف میں تجاوزات کے خلاف ضلعی انتظامیہ نے بڑے آپریشن کا فیصلہ کر لیا ہے۔

تفصیلات کے مطابق کل (2 جون) سے علاقے میں تجاوزات کے خلاف آپریشن شروع کیا جائے گا۔

ذرائع نے بتایا کہ ڈپٹی کمشنر وسطی نے رینجرز، پولیس اور دیگر متعلقہ انتظامیہ کو خط لکھ دیئے ہیں۔

ڈپٹی کمشنر کا کہنا ہے کہ آپریشن کے لئے سچل رینجرز کے25، پولیس کے50، لیڈی پولیس کی 15 اور اینٹی انکروچمینٹ پولیس کے 75 اہلکار گرینڈ آپریشن کے لئے فراہم کئے جائیں گے۔

انھوں نے یہ بھی کہا کہ نیو کراچی نالہ اسٹاپ سے اللہ والا اسٹاپ تک تجاوزات کاخاتمہ کیا جائے گا۔

ڈپٹی کمشنر نے مزید کہا کہ عدالتی احکامات پر نالے کےاطراف میں تجاوزات کےخاتمے کا فیصلہ کیا گیا ہے۔