وفاقی دارلحکومت اسلام آباد کے تعلیمی ادارے 7 جون سے کھولنے کا فیصلہ کر لیا گیا ہے۔

تفصیلات کے مطابق اسلام آباد کے نجی و سرکاری اسکولز کھولنے کا فیصلہ کرلیا گیا ہے، وزارت تعلیم کے ذیلی ادارے پیرا نے نوٹیفکیشن جاری کردیا۔

نوٹیفکیشن میں کہا گیا ہے کہ وفاقی نظامت تعلیمات کے فیصلے کے تحت پہلی سے 8ویں کلاسز 7جون سے کھلیں گی۔

نوٹیفکیشن میں کہا گیا ہے کہ میٹرک اور انٹرمیڈیٹ کلاسز پہلے سے چل رہی ہیں، اساتذہ بچوں کاسلیبس مکمل کرانے پر توجہ دیں، پہلی سے 8ویں کلاسز کے امتحانات کاشیڈول جلد جاری ہوگا۔

نوٹیفکیشن میں مزید کہا گیا ہے کہ تمام تعلیمی ادارے ایس او پیز پر عملدرآمد کریں گے۔