پاکستان شوبز انڈسٹری کی اداکارہ سونیا حسین شاہ رخ خان کے ساتھ بطور معاون اداکارہ کام نہ کرنے کے حوالے سے دیے گئے بیان پر تنقید کا شکار ہو گئیں۔

تفصیلات کے مطابق آسکر ایوارڈ یافتہ پاکستانی فلم ساز شرمین عبید چنائے نے سونیا حسین کو آڑے ہاتھوں لیتے ہوئے کہا کہ آپ کبھی ماہرہ خان جیسی بن ہی نہیں سکتیں۔

[amazonad category=”Auto”]

پاکستانی فلم ساز شرمین عبید چنائے نے کہا کہ سونیا حسین  کو مخاطب کرتے ہوئے کہا کہ کبھی بھی ایسا سوچیے گا ہی نہیں کہ آپ کو نہ کہنے کی ضرورت پڑے گی کیونکہ آپ کبھی ماہرہ ہوتی ہی نہیں۔

فلم ساز نے اپنے کمنٹ میں سونیا حسین کی پرورش پر بھی سوال اٹھایا، انہوں نے لکھا کہ آپ کی بات آپ کی پرورش کی عکاسی کررہی ہے۔

واضح رہے کہ سونیا حسین نے 2018 میں ایک شو میں شرکت کی تھی جس میں ان سے پوچھا گیا تھا کہ اگر وہ ماہرہ ہوتی تو کس فلم میں کام نہ کرتیں۔

اداکارہ نے سوال کا جواب دیتے ہوئے کہا کہ اگر وہ اداکارہ ماہرہ ہوتی تو  ماہرہ کی ان تین فلموں ورنہ، رئیس، ہو من جہاں میں کبھی کام نہین کرتی۔

اداکارہ سونیا نے مزید کہا تھا کہ اگر وہ ماہرہ ہوتیں تو کبھی بھی رئیس میں کام نہ کرتیں کیونکہ انہیں شاہ رخ خان کے ساتھ کام کرنے کا کوئی شوق نہیں۔