پاکستان شوبز انڈسٹری کی اداکارہ اور میزبان کی ویڈیو سوشل میڈیا پر وائرل ہو گئی۔

سوشل میڈیا پر ایک ویڈیو گردش کر رہی ہے جس میں اداکارہ ندا بتا رہی ہین کہ ترکی کے شہر استنبول میں بہت چوریاں ہوتی ہیں۔

انہوں نے بات جاری رکھتے ہوئے کہا کہ پاکستان،خوامخواہ میں ہی اتنا بدنام ہے۔

[amazonad category=”Auto”]

انہوں نے بتایا کہ ان کے پاس بس تین چار ہی قیمتی چیزیں ہیں جو ان کے پاس موجود ہوتی ہیں جن میں کچھ ہیرے کی انگوٹھیاں اور ایک ہار ہے۔

ندا یاسر نے بتایا کہ وہ یہ جیولری ترکی پہن کر چلی گئیں تھیں اور اب انہیں اس بات کا پچھتاوا ہے۔

ندا یاسر کا کہنا ہے کہ انہوں نے ترکی میں اپنی انگوٹھیاں اور ہار ایک پاؤچ میں ڈال کر اپنے بڑے بیگ میں سنبھال کر رکھی تھیں اور اُن کا وہ بڑا بیگ ہوٹل میں ہی ہوتا تھا، ان کا خیال تھا کہ ہوٹل کے کمرے کی الماری میں رکھے  ہوئے بیگ میں سے کون چوری کرے گا۔

انہوں نے مزید بتایا کہ ان کا خیال غلط ثابت ہوا اور اُن کے ہوٹل کے کمرے میں سے کسی نے انگوٹھیاں اور ہار چرا لیا۔

ندا یاسر نے مزید بتایا کہ جس رات انہوں نے پاکستان واپس آنا تھا انہیں اس واقعے کی ایف آئی آر کٹوانے کے لیے ترکی کے تھانے میں بیٹھ کر اپنی باری کا چار گھنٹے انتظار بھی کرنا پڑا تھا،

واضح رہے کہ ندا یاسر جو کہ کچھ عرصہ قبل اپنے شوہر اور اداکار یاسر نواز کے ساتھ ترکی کی سیر کرنے گئی ہوئی تھیں۔