معاون خصوصی برائے سیاسی ابلاغ شہباز گل نے کہا ہے کہ وزیراعظم ملک کے کمزور طبقے کےساتھ کھڑے ہیں۔

تفصیلات کے مطابق وزیر اعظم عمران خان کے معاون خصوصی برائے سیاسی ابلاغ شہباز گل کا فیصل آباد میں میڈیا سے گفتگو کرتے ہوئے کہنا تھا کہ خاتون کے شوہر کی پنشن کا چیک2017 میں انہیں ملنا چاہئے تھا، بیوروکریسی کے افسران نے بیوہ کو حق سے محروم رکھا۔

شہباز گل نے کہا کہ وزیراعظم کی ہدایت پر خود سلطان بی بی کو چیک دینے آیا ہوں۔

وزیر اعظم عمران خان کے معاون خصوصی برائے سیاسی ابلاغ شہباز گل نے مزید کہا کہ گریڈ 19 کے افسر نے غلط جگہ فائل بھیجی،  ذمے دار افسر کو معطل کردیا ہے، انکوائری کے بعد کارروائی ہوگی۔