وزیر صنعت و پیداوار خسرو بختیار نے کہا ہے کہ پیداوار بڑھانے کیلئے چھوٹےکسانوں کونئی ٹیکنالوجی دینی ہے۔

تفصیلات کے مطابق وزیر صنعت و پیداوار خسرو بختیار نے اکنامک سروے پیش کرنے کی تقریب سے خطاب کرتے ہوئے کہا کہ زرعی قرضوں کی ری اسٹرکچرنگ ضروری ہے، زراعت کے شعبے میں پیداواری لاگت کو کم کرنے کیلئے سبسڈی دینی پڑے گی۔

خسرو بختیار نے کہا کہ280 ارب روپے ایمرجنسی زرعی پروگرام کے تحت بجٹ میں رکھے گئے ہیں۔

وزیر صنعت و پیداوار نے یہ بھی کہا کہ ن لیگ کے پانچ سالوں میں گندم کی امدادی قیمت100 روپے بڑھی جبکہ موجودہ حکومت نے3 سالوں میں گندم کی امدادی قیمت میں500روپے اضافہ کیا۔

خسرو بختیار کا کہنا تھا کہ پیداوار بڑھانے کیلئے چھوٹےکسانوں کونئی ٹیکنالوجی دینی ہے، چھوٹے کسان کو ٹیکنالوجی کی فراہمی کیلئے نجی شعبے سے معاونت لی جائے گی۔

وزیر صنعت و پیداوار خسرو بختیار کا مزید کہنا تھا کہ بیج،کھاد اچھی نہیں ہوگی تو پیداوار میں اضافہ نہیں ہوگا، اچھی کوالٹی کا بیج کسانوں کو فراہم کیا جائے اور قرضہ فراہم کیا جائے گا۔