پاکستان شوبز انڈسٹری کی معروف اداکارہ و ماڈل اریبہ حبیب نے پاکستان کے سیاستدانوں کو اہم مشورہ دے دیا۔

حال ہی میں اریبہ حبیب نے ایک پروگرام میں بطورِ مہمان شرکت کی جہاں میزبان نے اداکارہ سے قومی اسمبلی میں ہونے والی ہنگامہ آرائی کے واقعے سے متعلق سوال کیا جس پر اداکارہ نے سیاستدانوں کو مفید مشورہ دے دیا۔

 [amazonad category=”Mobile”]

اریبہ حبیب نے کہا کہ ہمارے سیاستدانوں کو ایسے اسکول میں داخلہ لینا چاہیے جہاں اُنہیں گفتگو کرنے کا طریقہ اور تہذیب سکھائی جائے۔

اداکارہ نے کہا کہ جہاں اُنہیں بتایا جائے کہ صبر و تحمل کیا ہوتا ہے اور دوسروں کے ساتھ کس طریقے سے پیش آنا چاہیے۔

اُنہوں نے کہا کہ ہمارے ملک کے تمام سیاستدان بدتمیز نہیں ہیں، سیاست میں کچھ افراد بڑے ہی تہذیب والے بھی ہیں۔