وزیراعلیٰ پنجاب سردار عثمان بزدار نے کہا ہے کہ کسی کو عوامی خدمت کی راہ میں رکاوٹ نہیں ڈالنے دیں گے۔

تفصیلات کے مطابق وزیراعلیٰ پنجاب سردار عثمان بزدار نے اراکین پنجاب اسمبلی عمر آفتاب اور خرم اعجاز چٹھہ سے ملاقات کی ہے۔

عثمان بزدار نے کہا کہ میرے دروازے ہمہ وقت کھلے ہیں، عوام کے مسائل کے حل کے لئے کوشاں ہیں۔

انہوں نے یہ بھی کہا کہ صوبے میں گورننس کا ماڈل بدل دیا ہے۔

وزیراعلیٰ پنجاب کا کہنا تھا کہ سب کو ساتھ لے کر چلتا ہوں ،ماضی میں ون مین شو تھا اب فیصلے مشاورت سے ہوتے ہیں۔

عثمان بزدار نے کہا کہ اڑھائی برس میں سابق حکومت کی خرابیوں کو درست کیا ہے۔

وزیراعلیٰ پنجاب سردار عثمان بزدار نے نمائندوں کے حلقوں کے مسائل ترجیحی بنیادوں پر حل کرنے کی یقین دہانی بھی کروائی ہے۔