پاکستان شوبز انڈسٹری کی نامور اداکارہ اُشنا شاہ نے شوبز انڈسٹری کے حوالے سے اہم انکشاف کر دیا ہے۔

اداکارہ اُشنا شاہ نے بتایا ہے کہ پاکستان شوبز انڈسٹری میں مرد اور خواتین فنکاروں کے ساتھ مختلف قسم کا رویہ اختیار کیا جاتا ہے۔

اُشنا شاہ نے حال ہی میں ایک انٹرویو کے دوران اپنی نجی و پیشہ ورانہ زندگی سے متعلق بہت سی نئی باتیں اپنے مداحوں کے ساتھ شیئر کی ہیں۔

اداکارہ کا کہنا ہے کہ انہوں نے ایک بات نوٹ کی ہے کہ عورت کا رویہ جیسا بھی ہو اُن کو ہمیشہ منفی طور پر ہی لیا جاتا ہے۔

سیٹ پر موجود اگر کوئی اداکارہ کسی چیز کا مطالبہ کرتی ہے تو اس بات کو ہمیشہ منفی لیا جاتا ہے اور یہ کہا جاتا ہے کہ یہ اداکارہ ڈیمانڈنگ ہیں یا یہ اپنی چلاتی ہیں۔

اُشنا شاہ نے مزید کہا کہ اگر اُس ہی سیٹ پر موجود کوئی اداکار یا سینئر اداکار 5  گنا زیادہ برا رویہ بھی اختیار کرے یا کسی چیز کی ڈیمانڈ کرے تو اُن کی بات فوراً مان لی جاتی ہے۔