خیبر پختونخوا حکومت نے رواں سال اسکولوں میں گرمیوں کی سالانہ چھٹیوں کا اعلان کر دیا۔

تفصیلات کے مطابق گرمی کی شدت بڑھنے کے باعث خیبر پختونخوا حکومت نے اسکولوں میں گرمیوں کی چھٹیوں کا فیصلہ کیا ہے، محکمہ تعلیم کے پی کے نے گرمیوں کی تعطیلات کا اعلامیہ جاری کردیا۔

محکمہ تعلیم کے پی کے مطابق خیبرپختونخوا کے اسکولوں میں گرمیوں کی چھٹیاں یکم سے 11 جولائی تک ہوں گی۔

اعلامیے کے مطابق صوبے کے تمام اسکولز، کیڈٹ کالجز، ماڈل اسکولز، مدارس بند رہیں گے۔

اعلامیے میں کہا گیا ہے کہ گرمیوں کی چھٹیوں پر سرکاری، نجی اسکولز انتظامیہ عملدرآمد کے پابند ہوں گے۔