امریکی کمپنی نے لگژری بحری جہاز کا ڈیزائن تیار کر لیا ہے۔

غیر ملکی خبر رساں ادارے کے مطابق امریکا کی ایک کمپنی نے 520 فٹ لمبے لگژری بحری جہاز کا ڈیزائن تیار کیا ہے۔

جہاز کا وزن 22 ہزار ٹن ہو گا جبکہ دس ہزار ہارس پاور کے انجن کی مدد سے لگژری جہاز اٹھارہ ناٹس تک کی رفتار سے سفر کر سکے گا۔

اس بحری جہاز میں 200مہمانوں سمیت ایک سو پچاس عملے کے ارکان کے لیے جگہ بنائی گئی ہے۔

اس بحری جہاز کی خاصیت یہ ہے کہ اس میں دو سوئمنگ پولز بھی موجود ہیں۔

 جبکہ جہاز کا ڈیزائن سولہویں صدی کے مشہور ہسپانوی کارگو شپ گیلیون کے ڈیزائن پر رکھا گیا ہے۔