مرتضی وہاب نے کہا ہے کہ ٹرین حادثات وزارت ریلوے کی کارکردگی پر سوالیہ نشان ہیں۔

تفصیلات کے مطابق سندھ حکومت کے ترجمان  اور مشیر قانون ، مرتضی وہاب  نے اپنے بیان میں گھوٹکی میں ہونے والے ٹرین حادثے پراظہارِافسوس کیا اورٹرین حادثے میں قیمتی جانوں کے ضائع  ہونے پر تعزیت کی۔

بیرسٹر مرتضی وہاب نے زخمیوں کی جلد صحتیابی کی دعا کی اور زخمیوں کے علاج معالجے کی ہدایت کی  ہے۔

بیرسٹر مرتضی وہاب کا کہنا ہے کہ ضلعی انتظامیہ جائے حادثے پر موجود ہے زخمیوں کو طبی سہولیات فراہم کی جارہی ہیں۔

 انھوں نے کہا کہ ریلوے حکام  کو اس قسم کے حادثات سے بچنے کے لئے ٹھوس اقدامات اُٹھانے ہونگیں۔

مرتضی وہاب نے مزید کہا کہ حادثے میں غفلت کے مرتکب افراد کو قانون کے کٹہرے میں لایا جائے۔