پی ڈی ایم سربراہ مولانا فضل الرحمان نے کہا ہے کہ ہم کسی کو مایوس نہیں ہونے دیں گے۔

تفصیلات کے مطابق پی ڈی ایم سربراہ مولانا فضل الرحمان نے میڈیا سے گفتگو کرتے ہوئے کہا کہ جلسے کے لئے  بھرپور طور پر تیاریاں کریں گے اور بھی عوام میدان میں آئے گی۔

انہوں نے کہا کہ سفر برقرار رہتا ہے بس سواری بدل جاتی ہے، جو دوست غلطی کر کے گاڑی سے اترے ہیں انہیں نظر ثانی کرنی چاہئیے۔

فضل الرحمان نے یہ بھی کہا کہ اپوزیشن کے ساتھیوں کو تنقید بنانا نہیں چاہتا، ہمارا ہدف ناجائز ناکام حکومت ہے اس کے خلاف قوم کو متحد کرنا ہے۔

فضل الرحمان کا کہنا تھا کہ ناجائز حکومت اور ناجائز اسمبلیوں نے عوام کو صرف مہنگائی دی ہے ہم نے کوئی ایسی بات نہیں کی کہ عزت نفس پر فرق آیا ہو، احترام کیا ہے آئندہ بھی احترام کریں گے۔

پی ڈی ایم سربراہ مولانا فضل الرحمان نے مزید کہا کہ آئین اور قانون کی پیروی کرنا چاہتے ہیں ایسی حرکتیں رہیں گی تو جمہوری رویے زندہ نہیں رہیں گے، موجودہ حکومت پانچ دن میں گرے یا پانچ سال میں گرے جدوجہد جاری رہے گی۔