فردوس عاشق اعوان کا کہنا ہے کہ بزدارحکومت نے پنجاب کے عوام کیلئے بہترین بجٹ پیش کیا ہے۔

تفصیلات کے مطابق معاون خصوصی اطلاعات پنجاب ڈاکٹر فردوس عاشق اعوان نے پنجاب کے مالی سال 2021-22 کا بجٹ منظور ہونے پر پنجاب کے عوام کو مبارکباد پیش کرتے ہوئے سماجی رابطے کی ویب سائٹ ٹوئٹر پر اپنے جاری کردہ پیغام میں لکھا ہے کہ وزیراعلی پنجاب عثمان بزدار کی سربراہی میں معاشی ٹیم نے انتھک محنت کی ہے، پنجاب کا بجٹ غریب، مزدور، کسان، تاجر، صنعتکار ہر طبقے کے لوگوں کیلئے ریلیف پیکج ہے۔

ڈاکٹر فردوس عاشق اعوان نے مزید لکھا ہے کہ پاکستان تحریک انصاف کے ممبران اسمبلی اور ہمارے اتحادی بجٹ منظوری پر مبارکباد کے مستحق ہیں، پنجاب کا بجٹ وزیراعظم عمران خان کے یکساں ترقی کے ویژن کی عکاسی کرتا ہے، بجٹ تمام سٹیک ہولڈرز کی مشاورت سے مرتب کیا گیا، تاریخی ترقیاتی پیکج سے پنجاب بھر میں پائیدار ترقی کے نئے دور کا آغاز ہوگا۔

پاکستان تحریک انصاف کے ممبران اسمبلی اور ہمارے اتحادی بجٹ منظوری پر مبارکباد کے مستحق ہیں۔ پنجاب کا بجٹ وزیراعظم عمران خان کے یکساں ترقی کے ویژن کی عکاسی کرتا ہے۔ تمام سٹیک ہولڈرز کی مشاورت سے مرتب کئے گئے تاریخی ترقیاتی پیکج سے پنجاب بھر میں پائیدار ترقی کے نئے دور کا آغاز ہوگا۔

— Dr. Firdous Ashiq Awan (@Dr_FirdousPTI) June 26, 2021