شہر قائد میں مون سون کی بارشوں کا آغاز ہوگیا ہے ، شہر کے مختلف علاقوں میں  ہلکی و تیز بارشوں کے بعد بجلی بند ہوچکی ہے۔

تفصیلات کے مطابق تیز بارشوں کے بعد کے الیکٹرک کے 700 فیڈرز ٹرپ کرگئے ہیں جس کے بعد متعدد علاقوں میں بجلی تاحال معطل ہے۔

گلستان جوہربلاک 4، کامران چورنگی ، لیاقت آباد ، المدینہ سوسائیٹی،  کورنگی ، لانڈھی ، ملیر ، ڈیفنس ، صدر ، کیماڑی ، ائیرپورٹ ، شاہ فیصل کالونی ، فیڈرل بی ایریا ، اورنگی ، گلشن ، ناظم آباد سمیت شہر کے مختلف علاقوں میں رات سے بجلی بند ہے۔

واضح رہے کہ کے الیکٹرک کی جانب سے  صبح میں 300 فیڈرز کی بحالی کی گئی ہے۔